Sundfélagið Óðinn Akureyri

Flýtilyklar

Deildarval
Valmynd

Brauðmolar

Forsíða » Hagnýtt fyrir foreldra og sundmenn

Hagnýtt fyrir foreldra og sundmenn

Til sundmanna:

Að mæta tímanlega á æfingar. Það er almenn kurteisi að mæta
tímanlega. Ef það kemur fyrir að maður mætir of seint þá er kurteisi að láta þjálfarann vita hvers vegna.
Tilkynna þjálfara veikindi eða önnur forföll.
Áríðandi að mæta á æfingar klædd eftir veðri.
Mæta samviskusamlega á allar æfingar. Hver og ein æfing skiptir máli því þjálfari byggir upp æfingakerfi með langtímamarkið í huga.
Setja sér markmið með hverri æfingu og klára hana 100%
Hafa ávalt sinn eigin vatnsbrúsa á bakkanum á öllum æfingum, til að fá sér að drekka hvenær sem þörf er á.
Vera með sundgleraugu sem eru rétt stillt og passa vel. Nota ávalt
sundhettu. Hún ver höfuðið fyrir kulda og heldur hárinu frá svo það
valda ekki truflun.
Borða reglulega og hollan mat yfir daginn. Forðast að mæta
svangur/svöng eða saddur/södd á æfingar. Mikil svengd dregur úr
úthaldi. Saddur sundmaður er afkastalítill á æfingu.
Gott er að hafa með sér ávöxt til að borða strax eftir æfinguna. Á
æfingu verður niðurbrot í vöðvum sem við byggjum ekki upp nema
með því að borða vel og því er afar mikilvægt borða holla fæðu.

Til foreldra:

Mikilvægt að foreldrar sýni börnunum stuðning og áhuga á því sem þau ru að gera. Veita þeim aðhald, þ.e.a.s í að mæta á æfingar, mót og uppákomur.
Þegar kemur að æfingabúðum eða keppnisferðum er gott að krakkarnir hafi safnað í ferðasjóð. Fjáröflunarnefnd ásamt stjórn sér um að skipuleggja fjáraflanir fyrir sundmenn. Sundmenn geta ávalt nálgast Wc-pappír til að selja, hver og einn heldur utan um sína sölu/sinn ágóða.

Mæting

Hjálpa sundmönnum að skipuleggja tímann og koma ekki of seint á
æfingu Ef sundmaður er sóttur eftir æfingu eru 15 mínútur tími sem bæði sundmaður og foreldri/forráðamaður ættu að hafa í huga.
Munið að láta vita ef sundmenn komast ekki á æfingu.
Munið að láta vita strax og vitað er ef börnin komast ekki á sundmót, mikil vinna liggur á bak við hvert mót.
Einnig er töluverður kostnaður við hverja skráningu á mót. Athugið það er ekki skylda að keppa á sundmótum en við hvetjum sem flesta að vera með.

Samskipti og upplýsingar:

Góð samskipti milli sundmanna/foreldra og þjálfara sem og
upplýsingaflæði eru mikilvæg.
Upplýsingar er varða sundhópinn fara ýmist í gegnum, tölvupóst eða
birtast á heimasíðu Óðins www.odinn.is
Upplýsingatafla er í þjálfaraherbergi í sundlaug Akureyrar og í anddyri Glerárlaugar þar má finna ýmsar upplýsingar er varða vetrardagskrá mót og lágmörk.

Þátttaka foreldra skiptir máli

Sýnum íþróttaiðkun barna okkar áhuga. Fylgjumst með og verum virk í starfi félagsins. Kynnumst ekki einungis félögum barna okkar heldur líka þeim stóra og góða hópi foreldra sem að börnunum standa.

Áfram Óðinn!

Til nýrra sundbarna og foreldra þeirra.

Örlítil ábending.

Sundfélagið Óðinn leggur mikla áherslu á heilbrigðan lífstíl og holla lifnaðar hætti hjá meðlimum sínum. Þjálfarar félagsins (sem allir eiga börn í félaginu) hvetja börnin til þess að borða hollan og góðan mat og borða mikið af ávöxtum og grænmeti milli mála og með mat. Með þessu viljum við hjálpa foreldrunum að styðja þau frá unga aldri í því að velja viturlega sínar fæðutegundir. Það er alkunna að börn fara eftir því sem þjálfarinn segir þeim. Og við hvetjum þau óspart til að hafa með sér ávöxt eða grænmeti í sundtöskunni til að borða þegar þau eru á heimleið. Allir vita hvað maður verður svangur eftir sund og því er betra að borða einn banana, gulrót eða eitthvað annað á heimleið, en að úða í sig mjólk og kexi kannski klukkustund fyrir mat þegar heim er komið því það spillir heilbrigðri matarlist og samverustund fjölskyldunnar.

Vatn er lika okkar drykkur. Hvetjið börnin á sama hátt og við til þess að drekka vatn við þorsta. Börn sem drekka mikið vatn eru heilbrigð börn. Líkaminn er u.þ.b. 70% vatn. Þegar kemur að því að leyfa sér eitthvað gott þá er ís t.d. eitthvað sem öllum likar.

Takmörkum sælgætis-og sætabrauðsát,(kex) og gosdrykkjaþamb!!!
Lengi býr að fyrstu gerð. - Stöndum saman um að hjálpa börnunum að velja rétt.