Hlutverk fararstjóra í ferðum á vegum Sundfélagsins Óðins

Sjálfboðastarf foreldra/forráðamanna er einn mikilvægasti þáttur í starfi Sundfélagsins. Að vera fararstjóri er gefandi hlutverk sem gefur einstakt tækifæri til að kynnast félögum barna ykkar og sundíþróttinni. Fararstjóri er hlutur af teymi og ekki er þörf á kunnáttu á sundíþróttinni sem slíkri.

Áður en lagt er í ferð:

Farastjóri/fararstjórar hittast í vikunni fyrir mót með framkvæmdarstjóra til að fara yfir það helsta sem framundan er á viðkomandi móti.
Fá nafnalista með nöfnum sundmanna og forráðamanna auk símanúmers.
Nöfn þjálfara og fararstjóra auk símanúmera sett á sundmótaviðburinn á Abler fyrir mót.
Yfirfara sjúkratöskuna. Í sjúkratösku er ávallt auka sundhettur og ef sundmenn fá sundhettu á móti þarf að skrá það niður þannig að hægt sé að rukka eftir á. Fatnaður fyrir farastjóra fylgir sjúkratösku.
Lögð er áherslu á að þegar liðið ferðast er skylda að ferðast í félagstreyju / bolum.

Rúta:

Fararstjórar ákveða í samráði við bílstjóra hvar verður stoppað, gott að hafa tvö stopp á leið til Reykjavíkur. Fararstjórar hafa auga með því hvort sundfólk og farangur skili sér ekki í og úr rútu. Fararstjórar fara yfir rútuna þegar hún hefur verið yfirgefin af sundmönnum til að ganga úr skugga um að ekkert gleymist og snyrtilega sé skilið við rútuna. Sundmenn hafa ávallt með sér hollt og gott nesti í ferðir.

Sundlaug:

Á mótsstað; fá mótsskrá og kynna sér fyrirkomulag s.s. niðurröðun liða í stúkur ef við á.
Sjá til þess að sundmenn mæti tímanlega í riðlaherbergi.
Minna sundmenn á að tala við þjálfara eftir sínar greinar svo þjálfari geti sagt til um sundið.
Sjá til þess að sundmenn hagi sér vel, séu kurteisir og gangi vel um sundlaugarsvæði.
Hafa meðferðis ávexti / ávaxtabox á bakkann.
Hafa sjúkratöskuna ávallt með á bakkanum.
Minna sundmenn á að mæta tímanlega í verðlaunaafhendingu og að þeir séu ávallt í félagstreyju / -bol.

Gisting og matur:

Sjá til þess að sundmenn vakni og komist í ró á kvöldin á tilsettum tíma sem er ákveðinn í samráði við þjálfara.
Reyna eftir fremsta megni að kynjaskipta í stofur / herbergi.
Sjá til þess að sundmenn komi sér til og frá sundlaug á réttum tíma.
Sjá til þess að sundmenn mæti í mat á réttum tíma.
Hvetja sundmenn til að borða vel og drekka nóg vatn.
Sjá til þess að sundmenn gangi vel um gistiaðstöðu, t.d. raði skóm og búi um.
Ef fararstjórar sjá sjálfir um matseld þá þurfa fararstjórar og framkvæmdastjóri að skipuleggja í sameiningu matseðil, versla inn og elda mat.
Fylgja eftir að óskum um sérfæði sé uppfyllt.
Gefa lyf samkvæmt fyrirliggjandi upplýsingum.

Gæta ávallt öryggis í ferðum til og frá laug og að yngri sundmenn séu aldrei einir á ferð.

Fararstjórar sjá til þess að settum reglum sé hlýtt s.s. notkun snjalltækja, sundmenn biðji um leyfi ef þeir þurfa út í búð ( á við eldri sundmenn ).

Sundmenn eiga ávallt að fylgja hópnum og ef þeir af einhverjum ástæðum þurfa að fara frá hópnum þurfa farastjórar að vita það með fyrirvara og þarf það að vera með leyfi foreldra.

Fararstjórar geta ekki reiknað með að geta sinnt einkaerindum í ferðalögum. Ef fararstjórar þurfa að bregða sér frá er það ávallt samkomulag við fararstjóra eða þjálfara.

Stjórn leggur mikla áherslu á að sundfólkið sé félaginu til mikils sóma. Skilji vel við rútu, gististað og gangi vel frá svæði félagsins eftir hvern hluta í laug s.s. henda rusli og taka óskilamuni sem augljóslega eru á vegum félagsins.

Farastjórar mega ekki reykja/nota rafrettur á meðan á ferð stendur.

Farastjórar bera ábyrgð á hópnum frá því að lagt er af stað og þar til komið er heim aftur.

Uppfært 21. ágúst 2024