Gullfólk á Gullmóti KR!

Áfram Óðinn!

 

Þá er Gullmóti KR lokið og við þökkum innilega fyrir okkur Sunddeild KR! Fulltrúar Afreks,- Úrvals,- Krókódíla- og Framtíðarhópa Óðins fóru sátt og sæl heim, drekkhlaðin verðlaunum og frábærum minningum

“Ólýsanleg seigla og átök”, “samstaða með liðsfélögum og öðrum sundmönnum” og “háværust á bakkanum!” eru allt litlar, en kraftmiklar, setningar sem lýsa Óðinsmönnum og þeirra frammistöðu um þessa helgi 

Bætingar, blóð, sviti og tár eru aldrei langt undan þegar okkar fólk kemur, sér og sigrar en hérna er smá upptalning af verðlaunapallinum;

- Ísabella hlaut silfur í 200 bringu

- Magni Rafn fékk gull í 200 bringu, silfur í 200 skrið, brons í 100 skrið og brons í 100 flug

- Ívan Elí landaði gulli í 100 bak og silfri í 200 bak

- Bríet Laufey nældi í brons í 100 bringu

- Benedikt Már vann gull í 100 bringu og silfur í 200 bringu

- Una Steinunn hnappaði gulli í 50 skrið og silfri í 50 bak

- Ástrós Lea nældi í silfur í 50 bringu

- Kristinn Viðar greip brons í 100 bak

Þá unnu tvær boðsundsveitir til verðlauna;

- 4x 50 skrið drengja lenti í þriðja sæti (Björn Elvar, Ívan Elí, Benedikt Már og Magni Rafn)

- 4x 100 skrið karla hafnaði í öðru sæti (Elvar Þór, Benedikt Már, Ívan Elí og Kristinn Viðar).

Þá má ekki gleyma hinu alræmda Super Challange, sem haldið er árlega, en þar kepptu sundmenn í undanrásum 50 flug á föstudeginum. Úrslitin eru svo haldin í brjálaðri stemmingu á laugardagskvöldinu með ljósasýningu og látum!

Við áttum alls sjö keppendur í úrslitum í ár (og Friðrika Sif var varamaður)

- Kristófer Óli

- Halla Rún

- Krista Mist

- Ívan Elí

- Björn Elvar, sem hlaut brons!

- Magni Rafn

- Benedikt Már

Sundfélagið Óðinn er nefnilega ríkasta sundfélag landsins!

Gefið, við eigum ekki alltaf nýjasta búnaðinn, þurfum að ferðast 400 km í næstu nútímalegu sundaðstöðu, þurfum að berjast fyrir tilverurétti okkar í einu keppnislauginni á Akureyri og höfum enga þrekaðstöðu sem iðkendur okkar geta kallað sína eigin…

En þar liggur gullið grafið; í óendanlega duglegum iðkendum okkar og öllu sem þeim fylgir

Foreldrar, takk fyrir lánið! Dómarar, þið eruð frábær! Fararstjórar, takk fyrir ómetanlega aðstoð!

Akureyrarbær, við greinilega stöndum okkur ótrúlega vel en gætum enn betur með almennilega æfingaaðstöðu.

Viljum bara benda á það samhliða aðgerðaráætlun Akureyrarbæjar á íþróttamannvirkjum en nú er komið að okkur, atriði sjö