Fréttir

Góð helgi hjá sundkrökkunum okkar.

Á aðalfundi félagsins í kvöld urðu talsverðar breytingar á stjórn. Elsa María Guðmundsdóttir og Börkur Óttósson hafa hætt í stjórn eftir langa setu og þakkar Óðinn þeim það óeigingjarna starf sem þau hafa unnið fyrir félagið í gegnum árin. Einar Hólm Davíðsson var kosinn formaður og tekur við af Ómari Kristinssyni sem þó mun halda áfram í stjórn. Auk þeirra tveggja skipa stjórnina þau Arnar Logi Björnsson, Halla Björk Garðarsdóttir, Hildur Friðriksdóttir, Kolbrún Sigurgeirsdóttir og Lísa Björk Gunnarsdóttir en Arnar Logi og Kolbrún koma ný inn í stjórn í stað Elsu og Barkar.

Þessi póstur er sendur á foreldra Afreks barna sem skráð eru á SH mótið nú um komandi helgi (1.-3. apríl)

Samkvæmt nýsamþykktri jafnréttisstefnu Akureyrarbæjar ber öllum félögum sem hafa fasta styrktarsamninga við Akureyrarbæ að gera jafnréttisáætlun í samræmi við jafnréttislög. Undir þetta heyra öll íþróttafélög bæjarins. Að sama skapi gerir ÍSÍ þá kröfu að þau íþróttafélög sem hljóta gæðaviðurkenningu sem Fyrirmyndarfélag ÍSÍ starfi eftir virkri jafnréttisáætlun, en Sundfélagið Óðinn hlaut slíka viðurkenningu árið 2006. Af þessu má því ljóst vera að það er löngu orðið tímabært að okkar ágæta Sundfélag samþykki stefnu sem taki mið að því að jafnréttis milli kynja sé gætt hvívetna í daglegu starfi félagsins.

Dilla fékk í dag samfélagsverðlaunin Frá kynslóð til kynslóðar sem veitt eru af Fréttablaðinu. Til hamingju, Dilla, fyrir þessa verðskulduðu viðurkenningu á þínu starfi. Takk fyrir okkur!

Aðalfundur Sundfélagsins Óðins fer fram 6. apríl nk. kl. 19:45 í sal Brekkuskóla. Venjuleg aðalfundarstörf. Félagið býður upp á veitingar. Rétt er að tilkynna að tveir núverandi stjórnarmeðlimir munu ekki gefa kost á sér áfram, auk þess sem formaður mun stíga niður. Framboð til stjórnar skulu berast á formadur@odinn.is fyrir 4. apríl. Stjórn óskar einnig eftir aðilum í fjáröflunarnefnd félagsins sem gegnir stóru hlutverki í starfi þess. Fyrirspurnir og framboð berist til formanns fyrir 4. apríl.

Þá líður að páskum og í ár er því óvenju stutt á milli gullmóts og páskamóts.

Sundlaug Akureyrar verður lokuð mánudaginn 7. mars nk. vegna viðhalds. Af þessum sökum falla allar æfingar Óðins í lauginni niður þann daginn.