Fréttir

Þá hafa Óðinsliðin lokið keppni á Bikar þetta árið. Strákarnir unnu 2. deildina og stelpurnar héldu sínu sæti í fyrstu deild.

Karlalið Óðins vann sigur í 2. deild bikarkeppninnar sem lauk fyrir skömmu í Reykjanesbæ. Nú stendur keppni í 1. deild yfir og að henni lokinni kemur í ljós hvort liðið vinnur sér sæti í 1. deild að ári.

Sundæfingar framtíðarhóps og úrvalshóps á fimmtudag, föstudag og laugardag falla niður af óviðráðanlegum orsökum. Sama á einnig við um þrekið á fimmtudagin. Þá fellur æfing hákarla á laugardagsmorgun niður.

Vaskur hópur keppenda frá Óðni er nú að keppa á Vormóti Fjölnis í Reykjavík. Hægt er að fylgjast með gangi mála eftir því sem hver grein klárast.

Eins og fram hefur komið fékk Óðinsfólk ýmsar viðurkenningar á sundþingi á dögunum og hér koma nokkrar myndir. Birgir Þór Harðarson tók myndirnar í hófinu fyrir SSÍ.

Inn á myndasíðuna er nú komið fullt af myndum sem Sævar tók á Gullmóti KR á dögunum.

Við minnum á að fyrsta miðvikudag í hverjum mánuði er afhending á WC-pappír, en þetta er fín fjáröflun sem er alltaf í gangi.

Þriðjudaginn 1. mars verður söludagur í Laugargötunni. Halla B. Garðarsdóttir starfsmaður félagsins verður á skrifstofunni okkar á á milli 17:30 og 18:30 þannig að ef ykkur vantar stuttbuxur, bol, brúsa, sundhettu eða peysu þá gefst tækifæri til þess að kaupa það þá.

Sundþing 2011 tókst með miklum ágætum en því lauk í dag. Dagskárin í gær tók mið af því að um var að ræða 60 ára afmælisþing en að öðru leyti gengu þingstörf með hefðbundnum hætti. Karen Malmquist var kjörin í aðalstjórn SSÍ og þá hlotnuðust Óðinsfélögum einnig ýmsar viðurkenningar.

Í dag er Sundsamband Íslands 60 ára en sambandið var stofnað 25. febrúar 1951 í kaffihúsinu Höll. Í dag hefst einnig árlegt sundþing sem er eins konar ársfundur sambandsins.