Fréttir

Æfingaplan er eftirfarandi:

Við vorum að fá stóra og rúmgóða bakpoka frá Speedo sem við ætlum að selja á sama tíma og dósaúthlutunin fer fram (sjá frétt hér á undan). Þeir eru svartir og rauðir á litinn með áprentuðu logoi Sundfélagsins. Verðið á þeim er 6000 kr. Tilvalin jólagjöf :)

Þriðjudaginn 13. des verður fjáröflunarnefnd með götuúthlutun fyrir dósasöfnunina sem verður í byrjun janúar. Þar sem við viljum komast í sem flestar götur er mjög mikilvægt að mæta á þessum tíma og fá úthlutaða götu svo hægt sé að sjá tímanlega hvaða götur verða eftir og skipuleggja framhaldið eftir því.

Ekkert lát er á metaregninu hjá Bryndísi Rún Hansen á EM25 í Póllandi. Í gær tvíbætti hún metið í 50 m flugsundi og í dag var komið að 100 m flugsundi. Þar fór hún á 1:00;25 sem er bæting á Íslandsmeti hennar frá því fyrir tveim vikum á norska meistaramótinu, 1:00;81. Það styttist því óðum í 1 mínútu múrinn.

Vegna kulda þá falla sundæfingar í útilaug niður í dag, 9. desember. Afrekshópur mæti í ræktina og taki hressilega æfingu þar.

Uppfært kl. 16:50: Bryndís bætti Íslandsmetið aftur í milliriðlum, nú 26,70. Bryndís Rún Hansen byrjaði þátttöku sína á EM-25 í Póllandi með stæl í morgun. Hún synti 50 m flugsund í undanrásum á nýju glæsilegu Íslandsmeti 26,80. Gamla metið átti hún sjálf 27,04, sett ÍM25 á dögunum. Tíminn var sá 15. besti í sundinu í morgun og skilar henni milliriðla síðar í dag.

Pétur mun leysa yfirþjálfarann af núna næstu daga. Ekki verða neinar morgunæfingar hjá Afrekshóp föstudaginn 9. des né mánudaginn 12. des. Frí verður á laugardagsæfingu hjá Afreks- og Úrvalshóp. Aðrar æfingar eiga að vera samkvæmt venju. Fylgist þó vel með heimasíðunni ef kuldaboli verður að stríða okkur (viljum ekki æfa úti ef frost fer niður fyrir 10 gráður). Kveðja frá yfirþjálfaranum

Sundæfing afrekshóps verður í dag kl. 16:00. kv Yfirþjálfari

Ekki verður nein morgunæfing 6. des vegna kulda. kv Yfirþjálfari

Í dag mánudag 5. des er frostharkan það mikil að ákveðið hefur verið að fella niður allar æfingar í útilauginni í Akureyrarlaug. Afrekshópurinn á hins vegar að mæta í þrek í staðinn kl 17:30. Það er ekki heilsufarslega gott að æfa úti við aðstæður sem þessar, auk þess sem lítið er af mótum framundan. Fylgist með heimasíðunni næstu daga því samkvæmt veðurspá eru miklar líkur á að frost verði allmikið. kv Yfirþjálfari