Fréttir

Mótið byrjar 10 bæði laugardag og sunnudag. Fyrir æfinguna verður æfing/upphitun fyrir Afrekshóp og ÍA frá 8 - 10. Allir aðrir eiga að mæta kl. 9:00. Það er komið nýtt skráningarblað sem hægt er að nálgast á Sprengimótstenglinum hér til hliðar.

Stuttur foreldrafundur verður fyrir foreldra byrjenda hjá félaginu í Brekkuskóla á miðvikudagskvöld 14. september kl. 20.00 Með þessum fundi er foreldrum gefinn kostur á að komast inn í hvernig starfsemi félagsins gengur fyrir sig og spyrja allra spurninganna sem brenna á þeim. Verið svo góð að fjölmenna:) Dilla

Nú eru komnar inn á myndasíðuna myndir frá foreldrafundi, fyrirlestri og síðsumarhátíð Óðins.

Í dag hefjast sundæfingar hjá yngri hópum. Æfingatafla er komin inn á vefinn og skjal sem sýnir hópaskiptingu í Glerárlaug.

Þá er komin ný sending af Óðins-sundhettum. Styrktaraðili er Dexta-orkulausnir. Hetturnar verða m.a. til sölu á foreldrafundinum á mánudaginn en verðið er óbreytt 1.500 kr.

Fræðslufyrirlestur og foreldrafundur verður haldinn mánudaginn 5. september klukkan 19:30 í Brekkuskóla. Fyrst mun Fríða Rún Þórðardóttir næringarfræðingur flytja fyrirlestur um næringu íþróttafólks. Fyrirlesturinn er hugsaður fyrir sundmenn afrekshóps og foreldra úr öllum hópum. Í beinu framhaldi verður foreldrafundur þar sem þjálfarar fara yfir verkefni vetrarins og fólki gefst kostur á að ræða málin. Foreldrafundurinn er fyrir alla foreldra, frá sundskóla og uppúr.

Veðrið lék ekki alveg við okkur í vor og því var ákveðið að fresta árlegri vorhátíð til haustsins og breyta í síðsumarhátið. Hún verður haldin í Kharnaskógi miðvikudaginn 7. september kl. 17:30. Grillaðar pylsur og gaman, gaman. Þetta er að sjálfsögðu fyrir alla í Óðni, frá sundskóla og uppúr.

Nú styttist í að sundæfingar hefjist hjá öllum hópum. Æfingar þeirra hópa sem ekki eru þegar byrjaðir hefjast 1. september, nema krókódílar sem byrja 2. september. Ný æfingatafla er nú komin inn á vefinn og skjal sem sýnir hópaskiptingu í Glerárlaug.

Árlegt Sprengimót Sundfélagsins Óðins, haldið í Sundlaug Akureyrar.

Æfingar elstu hópa hjá Sundfélaginu Óðni eru nú hafnar undir stjórn nýs yfirþjálfara, Ragnheiðar Runólfsdóttur. Ragnheiður var ráðin til starfa hjá félaginu í vor og ljóst að mikill fengur er að komu hennar fyrir sundstarfið á Akureyri.