Fréttir

Óðinsliðið er aldeilis í fínu stuði á ÍM25. Við nánari samanburð á Akureyrarmetaskrá hefur komið í ljós að Birkir Leó Brynjarsson er búinn að slá tvö met og eitt gamalt boðsundsmet er fallið.

Þá er 2. degi á ÍM25 lokið á krakkarnir halda áfram að gera góða hluti. Akureyrarmet féllu og margir voru að komast í úrslit. „Ég er rosalega ánægð með krakkana. Þau eru nær öll að bæta persónulegan árangur sinn og sýna miklar framfarir,“ segir Ragnheiður Runólfsdóttir yfirþjálfari.

Keppni á ÍM25 fer vel af stað. Í dag var keppt í 1.500 og 800 m skriðsundi, undanrásum í 100 m fjórsundi og 4x200 m skriðsundi. Sundmenn Óðins byrja mótið af krafti og nær allir voru að bæta persónulegan árangur sinn.

Keppni á ÍM25 hefst kl. 18:30 á fimmtudag. Hægt er að fylgjast með úrslitum mótsins jafn óðum og hver grein klárast.

Morgunæfing fellur niður hjá öllum hópum, þ.e. Afreks- Úrvals og Hákarlahóp. Góða helgi. Kveðja þjálfarar

Fulltrúar Óðins hjá Bergensvømmerne í Noregi, þau Bryndís Rún Hansen og Sindri Þór Jakobsson, voru heldur betur í stuði á sterku sundmóti í Väsby í Svíþjóð um helgina. Sindri, sem nú er norskur ríkisborgari, bætti Noregsmetið í 100 og 200 m flugsundi og bæði náðu lágmarki fyrir Evrópumeistaramótið í 25 m laug í Póllandi.

Næsta fjáröflun er heilsufiskibollur frá Ektafiski, þær eru úr ferskum þorski þar sem hlutfall fisks er 72%. Þær eru trefja- og próteinbættar en án msg, transfitu, eggja, mjólkur og hveitis. Þær eru steiktar upp úr jurtaolíu. Þær henta því vel þeim sem eru með ofnæmi/óþol. Svo eru þær líka góðar.

Vilhelm Hafþórsson bætt um betur í Finnlandi í gær og landaði öðrum Norðurlandameistaratitli, nú í 50 m skriðsundi. Þá náði hann einnig bronsverðlaunum í 100 m bringusundi.

Vilhelm Hafþórsson varð í dag Norðurlandameistari í 200 skriðsundi á Norðurlandamóti fatlaðra sem fram fer í Finnlandi. Þetta er stórkostlegur árangur hjá þessum magnaða sundmanni.

Um helgina taka nokkrir sundmenn frá Óðni þátt í Stórmóti SH í Hafnarfirði. Mótið er liður í undirbúningi þeirra fyrir ÍM-25 í næsta mánuði.